சிலை திருட்டு – பாகம் ஆறு. அமெரிக்க அதிகாரிகள் கைப்பற்றிய சிலைகள் !

சிலை திருட்டு பற்றிய தொடரும் இந்த ஆய்வின் அடுத்த பாகம் – அமெரிக்க அதிகாரிகள் கபூர் / ஆர்ட் ஆஃப் பாஸ்ட் கிடங்கை சோதனை இட்டு கொள்ளை அடிக்கப்பட்ட சிலைகளை கைப்பற்றி வெளியிட்ட ஒரு புகை படத்தை கொண்டு இன்று தொடர்கிறது…

முந்தைய பதிவுகளைப் போலவே இன்று இந்திய காவல் துறை வெளியிட்ட திருடப்பட்ட சிலைகளின் “புகை” படங்களை கொண்டே துவங்குவோம். முந்தைய பதிவுகளில் வெளியிட்ட படங்களை டிக் செய்யப்பட்டுள்ளன. இன்றைக்கு பார்க்கப் போகும் சிலைகளுக்கு சிகப்பு அம்புக்குறி

இந்த படங்களில் இல்லாத இன்னும் ஒரு சிலை பற்றி ஹிந்து நாளேட்டில் வந்த செய்தி – சண்டிகேஸ்வரர் சிலை.

இங்கே நாம் தெரிந்துக்கொள்ள வேண்டிய ஒன்று – நியூ இந்தியன் எக்ஸ்பிரஸ் பத்திரிகையில் வந்த இந்த செய்தியில் மொத்தம் 26 சிலைகள் திருடு போய் உள்ளன. அவற்றில் நமக்கு கிடைத்துள்ள படங்கள் 16 காவல் துறை வெளியிட்டில் மற்றும் ஹிந்து பேப்பர் 1 – மொத்தம் 17 தான். இன்னும் 9 சிலைகளை பற்றி எந்த தகவல்களும் இல்லை.

இப்போது நாம் பார்க்கப்போவது.

1. ஸ்ரிபுரந்தன் தனி அம்மன் .

அமெரிக்க புகைப் படத்தில்.

நமது அதிகாரிகள் வெளியிட்ட படம்.

அடுத்தடுத்து வைத்து பார்த்தால்..

2. சுத்தமல்லி அஸ்திர தேவர்
அமெரிக்க புகை படத்தில்.

நமது அதிகாரிகள் வெளியிட்ட படம்.( இந்த படம் தப்பாக வெளியிடப்பட்டுள்ளது – கண்ணாடி பிம்பம் போல – இடம் வலம் மாறி ..)

சரி செய்யப்பட்டது.

அடுத்தடுத்து வைத்து பார்த்தால்..



3. சுத்தமல்லி சிவகாமி அம்மன்

அமெரிக்க புகை படத்தில்.

நமது அதிகாரிகள் வெளியிட்ட படம்

அடுத்தடுத்து வைத்து பார்த்தால்..



4. சண்டிகேஸ்வரர்

அமெரிக்க புகை படத்தில்.

ஹிந்து பேப்பர் படம்


அடுத்தடுத்து வைத்து பார்த்தால்..

5. ஸ்ரிபுரந்தன் சிவகாமி அம்மன்

அமெரிக்க புகை படத்தில்.


நமது அதிகாரிகள் வெளியிட்ட படம்

அடுத்தடுத்து வைத்து பார்த்தால்..


நல்ல படங்களுடன் இவற்றை கொண்டு எளிதாக சிலைகளை மீட்டு விடலாமே …

சிலை திருட்டு – பாகம் ஐந்து . சுத்தமல்லி உமாபரமேஸ்வரி !

இன்றைக்கு இன்னும் ஒரு சிலை திருட்டை அடையாளம் காட்ட போகிறோம். அதற்காக மீண்டும் காவல் துறை வெளியிட்ட அறிக்கையை காண்போம். பட்டியலில் முதல் படம்.

சிவகாமி அம்மன் / தனி அன்னம் என்று பெயர் கொண்ட படம். இதோ அருகில்.

இப்போது மீண்டும் ஆர்ட் ஆஃப் பாஸ்ட் பட்டியல் ஒன்றை பார்ப்போம். மார்ச் 2011 வெளிவந்த பட்டியல் – அதாவது சிலைகள் திருடு போய் ஆறு ஆண்டுகளுக்குப் பிறகு, காவல் துறை படங்களை வெளியிட்டு இரண்டு ஆண்டுகளுக்கு பின்னர் !!

பட்டியலில் 10 ஆம் எண் இருக்கும் சிலை – பெயர் தேவி உமா பரமேஸ்வரி


என்ன அருமையான புகைப்படங்கள். வித விதமான கோணங்களில் படம் எடுத்துப் பதிவு செய்துள்ளனர்.





இரு சிலைகளையும் ஒன்றாய் சேர்த்து பார்ப்போமா?


இன்னும் நுண்ணியமாக பார்க்கும்போது குட்டு வெளியாகிறது.


ஒவ்வொரு பாகமும் அச்சு அசல்..


கால்கள் மற்றும் அடிபாகம்.


என்ன கொடுமையடா இது – இப்படி பகிரங்கமாக கொள்ளை அடித்த சாமி சிலையை விற்கும் அவலம் !! நமது ஆலயங்கள் சிறு முயற்சி எடுத்து தங்கள் சிலைகளை படம் பிடித்து வைத்திருந்தால் இந்த திருட்டுகள் நடக்குமா. அந்நிய சந்தையில் தான் இவற்றை வாங்க யாரேனும் முன் வருவார்களா? அரசின் ஒரு சிறு முயற்சி, தொடரும் இந்த திருட்டை தடுக்க இயலும். படம் பிடித்துப் பட்டியல் இணையத்தில் பதிவேற்ற வேண்டியது தான் – இவர்கள் கொட்டம் அடங்கும் அல்லவா !!

தொடரும்.

சிலை திருட்டு – பாகம் நான்கு. இதோ சுத்தமல்லி நடராஜர்!

சென்ற பதிவில் ஸ்ரிபுரந்தன் நடராஜ வடிவத்தை ஆராய்ந்து அதற்கும் ஆஸ்திரேலியாவில் இருக்கும் வடிவத்துக்கும் இடையே ஒற்றுமைகளை பட்டியலிட்டோம். அதில் பல கேள்விகள் எழுந்தன. அவற்றில் ஒன்று சுத்தமல்லி நடராஜர் சிலை பற்றி. இதோ காவல் துறை பட்டியலில் இருக்கும் அந்த சிலை பற்றியே இன்றைய பதிவு.


சுத்தமல்லி நடராஜர் – பழைய படம் – ஆலயத்தில் இருந்தபோது. .

இந்த சிலை மிகவும் முக்கியமான சிலை – இந்த சிலை கொடுத்த துப்பை வைத்துத் தான் இந்த சிலை திருட்டு கும்பல் பிடிபட்டனர். இதனை பற்றிய இந்து பதிவு இதோ.

நமது காவல் துறை திருடு போன சிலைகளின் படங்கள் கொண்ட பட்டியலை 2009 ஆம் ஆண்டு தனது இணைய தலத்தில் வெளியிட்டது. ( அதாவது திருடு போன நான்கு ஆண்டுகளுக்கு பின்னர் !). எனினும் வருத்தம் என்ன வென்றால் கூகுளார் உதவியுடன் ஒரு சிறு இனைய தேடலில் ஆர்ட் ஆஃப் பாஸ்ட் 2010 காடலாக் கிடைக்கிறது. அதில் ….

அதில் ஆறாவதாக வரும் சிலை..

என்ன அருமையான சிலை – அதுவும் படங்கள் பிரமாதம் !!



காவல் துறை சிலை திருட்டை பதிவு செய்து வழுக்கு பதிவு செய்து, படங்களை இணையத்தில் பதிவேற்றி – ஒரு ஆண்டுக்கு பின்னர் …இப்படி அதே சிலையை தங்கள் பட்டியலில் படங்கள் போட்டு பகிரங்கமாக விற்க முயற்சி??!

எப்படி இது அதே சிலை என்று சொல்ல முடியும் என்று கேட்கிறீர்களா ? மீண்டும் அதே தான் – ஒவ்வொரு சிலைக்கும் – லாஸ்ட் வாக்ஸ் ப்ரோஸஸ் தரும் தனித்தன்மை.

சென்ற பதிவில் ஸ்ரிபுரந்தன் சிலையை போலவே இங்கும் ஆடும் அரசனை சுற்றி இருக்கும் பிரபாவளியை கொண்டு இரு படங்களை ஒற்றுப் பார்த்தாலே போதும். இங்கே பிரபாவளி இன்னும் அழகு – இரட்டை வளையங்கள் கொண்டு உள்ளது – அவற்றை இணைக்கும் பாணி இரு வளையங்களுக்கும் இடையே துவாரங்களை ஏற்படுத்துகிறது. அவையே நமக்கு இன்று உதவுகின்றன.


அதே போல ப்ரபாவளியின் நடு பாகத்தில் ஒரு சிறு டிசைன் / சொட்டை போல இருக்கிறது.

மகேசன் ஆட விரிசடை வளைவுகளை பல அழகிய அணிகள் கொண்டு சிற்பி அலங்கரித்து இருப்பது அருமை. நம்மிடத்தே மட்டும் நல்ல படம் இருந்தால் !! இருந்தும் ஒப்பிட்டு பாருங்கள் – ஒற்றுமை தெரிகிறதா?

அதே போல ஆடல் அரசன் சுயன்று ஆட மேல் துண்டு விலகுகிறது , மேலும் சுயற்சியில் அது அதன்மீதே முறுக்கியவாறு அமைத்துள்ள அழகு அபாரம்.

இவற்றை கொண்டு இரண்டும் ஒரே சிலை என்று உறுதி பட சொல்லிவிடலாம்.

இன்னும் ஒரு அதாரம் உள்ளது. அதுதான் திருமேனியின் அடி பீடத்தில் இருக்கும் தமிழ் எழுத்துக்கள். பழந்தமிழில் சுதவல்லி ( மல்லி என்று இல்லை – வள்ளி என்று இருக்கிறது ). எனினும் பழைய படத்தில் இந்த எழுத்துக்கள் இல்லாதாதால் இதனை ஆதாரமாக கருத இயலாது. எனினும் இது நமக்கு வேறு ஒரு விதத்தில் உதவுகிறது. ஸ்ரிபுரந்தன் சிலைகள் 2006 இல் விற்று போயின…எனினும் சுத்தமல்லி சிலைகள் 2011 – 2012 வரை விற்க வில்லை – அப்போது வாங்க வந்தார் பலர் இதனை பார்த்திருக்க வேண்டும் – இந்த எழுத்துக்கள் இருப்பதால் நமக்கு எதற்கு வம்பு என்று விட்டு விட்டனரா?

இது தான் காரணம் என்பதற்கு அடுத்த பதிவில் காரணங்களை தருகிறேன். இந்த பதிவிலயே அடுத்த பதிவின் ஆரம்பம் இருக்கிறது…பட்டியலில் .” This is an extremely rare and important matched pair of the Shiva Nataraja and his consort, Uma Parameshvari. The divine couple have not only survived together as an original set, but also remain in complete states, with their flaming prabhas and lotus pedestals.” என்று உள்ளது.

எங்கு இருந்த உமா பரமேஸ்வரி இது …தேடல் தொடரும்.

சிலை திருட்டு – பாகம் மூன்று . சுத்தமல்லி நடராஜர் எங்கே ?

நண்பர்கள் செய்த சிறந்த புலனாய்வு மூலம் இன்று நமக்கு இவை தெரிய வந்துள்ளன. அவர்கள் எடுத்துக்கொடுத்த படங்களை கொண்டு இந்த ஆய்வு. இதை படித்து முடித்தவுடன் இன்னும் பல கேள்விகள் எழுகின்றன. அப்படி எழவேண்டும் என்பதே இந்த பதிவின் நோக்கம்.

மீண்டும் காவல் துறை வெளியிட்ட படங்களைப் பார்ப்போம். இரண்டு நடராஜர் வடிவங்கள் காணாமல் போன பட்டியலில் உள்ளன. ஒன்று சுத்தமல்லி மற்றொன்று ஸ்ரிபுரந்தன்.

இதோ சுத்தமல்லி

இது ஸ்ரிபுரந்தன்


இரண்டு நடராஜர் வடிவங்களும் கிட்ட தட்ட ஒரே போல இருந்தாலும் – ஆடல் அரசனை சுற்றி இருக்கும் பிரபாவளியை பார்த்தாலே இரண்டு வடிவங்களுக்கும் உள்ள வேற்றுமை தெரிகிறது.

இப்போது கடந்த சில மாதங்களாக சர்ச்சையில் சிக்கி உள்ள ஆஸ்திரேலியா நடராஜர் இவற்றில் ஒன்றை போலவே – ஒத்து இருப்பதாக தகவல் வந்துள்ளன.


மீண்டும் பிரபாவளி மூலம் இதனை ஸ்ரிபுரந்தன் வடிவத்துடன் தான் ஒத்து பார்க்க வேண்டும் என்பது தெரிகிறது.

அதே போல நண்பர்கள் வெளியிட்ட பதிவில், எதோ ஒரு இந்திய அறையில் இதே போன்ற ஒரு சிலையை படம் பிடித்து சிலை திருடர்கள் 2006 ஆம் ஆண்டு அடுத்து கபூருக்கு அனுப்பியுள்ளதாக தெரிகிறது.


அதே போல ஆர்ட் ஆஃப் தி பாஸ்ட் இந்த படத்தை தனது பட்டியலில் இந்த சிலையை விற்கும் பொது இட்டுள்ளது.

நாம் பல முறை கூறிய ஒன்று, நடராஜர் வடிவம் பற்றிய சர்ச்சை கிளம்பியவுடன் – தமிழகத்தில் நூற்றுக்கணக்கான நடராஜர் சிலைகள் உள்ளன என்றும் அவை பார்ப்பதற்கு ஒன்று போலவே இருக்கும். அதனால் குழம்ப வேண்டாம் என்று ஒரு வாதம் எழுந்துள்ளது. உண்மை தான், எனினும் மேலோட்ட பார்வைக்கு மட்டுமே அந்த வாதம் சரி. ஒரு முறை அனைத்துப் படங்களையும் பொறுமையாக பார்த்தால் சாமானியருக்கும் விளங்கும் – ஏன் என்றால் இவை லாஸ்ட் ’வாக்ஸ்’ முறை கொண்டு செய்யப்பட்டவை – ஒவ்வொன்றும் தனக்கே உரிய ஒரு தனித்தன்மையுடன் இருக்கும்.

இந்த சிலையின் தனித்தன்மை என்ன தெரியுமா. தூக்கிய திருவடி அருகில் உள்ள தீப் பிழம்பை பாருங்கள் – அடியில் இருந்து மூன்றாம் பிழம்பு. உடைந்து இருப்பது தெரிகிறதா ? எல்லா படங்களையும் பாருங்கள்.



ஆடல் வல்லானின் கை இதனை நமக்கு சுட்டிக்காட்டுவது போலவே இருக்கிறது.

இதனை உறுதிப் படுத்த சில நிமிடங்கள் போதும் – நல்ல படம் இருந்தால் !!!

ஆனால் ஒன்று நிச்சயம் இது சுத்தமல்லி சிலை இல்லை. ஸ்ரிபுரந்தன் சிலை – இந்த சிலையிலும் அடித்தள பீடத்தை அகற்றி உள்ளனர்.

அப்படி இருக்க – சுத்தமல்லி நடராஜர் எங்கே?

அதைத் தேட இணையத்தில் இது கிடைத்தது – இன்னும் ஒரு நடராஜர் சிலை. ஆர்ட் ஆஃப் பாஸ்ட் பட்டியல் மார்ச் 2011.


மீண்டும் ப்ரபாவளி கொண்டு இது சுத்தமல்லி சிலை இல்லை என்று அறியலாம். அப்போது இது எந்த ஆலயத்தில் இருந்து திருடப்பட்டது? சுத்தமல்லி ஸ்ரிபுரந்தன் போல இன்னும் சில பல கோயில்களில் இந்த கூட்டம் தம் கைவரிசையை காட்டியுள்ளார்களா? திருடு போய்விட்டது என்று கூட தெரியாமல் நாம் குருடர்களாக உள்ளோமா ? இந்த கேள்விகளுக்கு யார் பதில் தேடுவார்கள்?

திருட்டு சிலை – பாகம் இரண்டு. சுத்தமல்லி முருகன்

நமது பாரம்பரிய சின்னங்கள் சூறையாடப்படுவதை எதிர்த்து தொடரும் எங்கள் முயற்சியின் விளைவால் பல திடுக்கிடும் தகவல்கள் வெளி வந்துள்ளன. இவை கண்டிப்பாக வெளிச்சத்திற்கு வரவேண்டும் – அப்படி கொண்டு வந்தால் தான் இந்த திருட்டுக்கு மட்டும் அல்ல இதைப் போல இனியும் திருட்டுகள் தொடராமல் ஒரு முற்றுப் புள்ளி வைக்க இயலும். இணையம், தொழில் நுட்பம் என்று பல துறைகளில் வல்லுனர்கள் நம்மிடையே இருந்தும் நம் குலதனங்கள் நமது கண்முன்னரே திருடப்படுவது மட்டும் அல்லாமல் பகிரங்கமாக விற்கவும்படுகின்றன.

ஒரு பக்கம் குருட்டு நம்பிக்கைகளை காட்டி எங்களை போன்ற ஆர்வலர்களை இந்த அரிய பொக்கிஷங்களை படம் எடுக்க விடாமல் செய்யும் கூட்டம் நமது ஆலயங்களில் உள்ளன. அவர்களுக்கு இந்தப் பதிவு ஒரு பாடமாக அமையும். படம் எடுத்தால் பவர் போய்விடும் என்று எங்களை துரத்தும் இவர்களுக்கு படம் எடுக்காவிட்டால் சாமியே போய்விடும் என்பது புரிய வேண்டும்.

இன்னொரு பக்கம் நமது அரசு, காவல் துறை. திருமேனிகளுக்கு தகுந்த பாதுகாப்பை அளிக்காமல், காலை பாட்டு பாடி எழுப்பி, நீராட்டி, அலங்காரம் செய்து , உணவு படைத்து, மூன்று வே​ளை பூஜித்து, இரவு தாலாட்டு பாடித் தூங்க வைக்கப்பட்ட சிலைகளை அப்புறப்படுத்தி பாதுகாப்பு என்ற பெயரில் பாசறையில் தரையில் அடுக்கி வைத்துள்ளனர்!!! அதுவும் எந்தவித பட்டியலும் இல்லாமல் அடைத்து வைப்பது என்பது எந்த விதத்தில் நல்லது? அங்கே அவை களவு போனாலோ பழைய சிலையை அப்புறப்படுத்திவிட்டு புதிய சிலை ஒன்றை செய்து வைத்து விட்டலோ எப்படி அரசாங்கம் கண்டுபிடிக்கும்?

சரி, இந்தத் திருட்டுக்கு வருவோம். இந்தக் களவு பற்றி காவல் துறை தனது
இணைய பக்கத்தில் 2009 ஆம் ஆண்டு இவ்வாறு தகவல்களை வெளியிட்டுள்ளது என்று அறிகிறோம். இதில் என்ன சோகம் என்றால் மிகவும் முக்கியமான இந்த வழக்கில் சம்பந்தர் சிலையை கண்ணன் என்றும், சண்டிகேஸ்வரர் சிலையை முருகன் என்றும் அஸ்திர தேவர் சிலையை தீபலக்ஷ்மி என்றும் தங்கள் தலத்தில் பெயர் இட்டுள்ளனர். சென்னையில் இவை பற்றி தெரிந்த வல்லுனர்களுக்கா பஞ்சம்!!!

அதிர்ஷ்டவசமாக அங்கேயே ஒரு இணைப்பும் உள்ளது அதில் உள்ள பெயர்கள் பரவாயில்லை. எனினும் படங்கள் மிகவும் மங்கலாகவும் சிறியனவாகவும் உள்ளன. ஆனால் இவையாவது உள்ளனவே – 1970,1980களின் ​போது இந்தப் படங்கள் எடுக்கப்பட்டன. பல படங்கள் எடுத்து பட்டியல் செய்து வைத்தது பாண்டி பிரெஞ்சு இன்ஸ்டிடியூட் முயற்சி என்று நம்புகிறோம்.

பல முறை கேட்டும் இந்தப் படங்களை பெரிய அளவில் எனக்கு தர அந்த நிறுவனம் இணங்க வில்லை. நான் முனைவர் பட்ட படிப்புக்கோ அல்லது ஏதோ ஒரு பல்கலைக்கழகத்துடன் சேர்ந்து ஆய்வுக்காகவோ செயல்பட்டால் தான் தர முடியுமாம்! நான் எனது சொந்த படிப்பிற்கோ பட்டம் பெறவோ இவற்றை கேட்கவில்லை – கொள்ளை போன நமது கலைப் பொருட்களை திரும்பப் பெற வேண்டும் என்ற ஒரே எண்ணம் தான் என்று பல முறை சொல்லியும் பயன் இல்லை – இந்த இணையப் படங்கள் மட்டுமே எனக்கு.

விருதாச்சலம் அர்தனாரி ஆஸ்திரேலியா சென்ற திருட்டு பாதை என்ற பதிவின் மூலம் இந்த கும்பலின் கொள்ளைகளை பற்றி எழுதிய தினம் முதல் கடந்த இரண்டு மாதங்களாய் பல நூறு படங்களை ஆராய்ந்து இந்த உண்மைகளை உங்கள் முன்னர் வைக்கிறேன்.

கூகிள் உதவி மூலம் கபூர் அமெரிக்காவில் நடத்தி வந்த ஆர்ட் ஆப் தி பாஸ்ட் என்ற கா​லெரி மற்றும் அதன் மாதாந்திர பட்டியல்கள் கிடைத்தன. இன்று செப்டம்பர் 2009 ​கேடலாக், குறிப்பாக அதில் இருக்கும் ஒரு சிலையை பார்க்க போகிறோம்.

பட்டியலில் 14 ஆவதாக வரும் முருகன் சிலை.

அருமையாக, விதம் விதமாக படம் பிடித்து கலர் பிரிண்டிங் செய்து விளம்பரம் செய்துள்ளார்கள்.



மீண்டும் நமது காவல் துறை வெளியிட்ட அறிக்கையில் உள்ள சிலைகளின் படங்களை பாருங்கள். குறிப்பாக சிகப்பு நிறத்தில் நான் சுட்டிக்காட்டி இருக்கும் முருகன்.

முடித்த அளவிற்கு அந்த படத்தை பெரிதுப்படுத்தி கணினியில் சற்று சரி செய்துள்ளேன்.

அருமையான சிலை – முருகன் சிலை. சோழர் காலத்து சிலை இல்லை (சற்று அழகு கம்மி தான்!) – விஜயநகர அரசு காலம்.

இரண்டும் ஒரே சிலையா? ஒன்று எழுபதுகளில் சுத்தமல்லி கோவிலில் இருந்த​போது எடுத்த படம் – மற்றொண்டு கடல் கடந்து அமெரிக்க சென்ற பிறகு ….

செப்புச் சிலை வார்க்கும் கலை சோழர் காலத்திருக்கு பிறகு சற்று அழகு குறைந்தாலும், மெழுகை உருக்கி செய்யும் பாணி அதே தான். விஜயநகர அரசர்கள் காலத்திலும் கையால் மெழுகில் முதலில் படிமம் செய்யும் முறை தொடர்ந்தது – எனவே ஒவ்வொரு சிலைக்கும் தனித்தன்மை உண்டு. இதை மனதில் கொண்டு சிலையின் கை – குறிப்பாக கட்டை விரல் கையுடன் இணைக்கப்படும் பாணியை பாருங்கள். இரண்டு படங்களிலும் அதே போல இருப்பதை பாருங்கள்.


அதே போல இந்த சிலையின் காதணிகள் மிகவும் வினோதம். இதிலும் ரெண்டு படங்களும் ஒத்து போகின்றன. மார்பில் உள்ள பதாகம் கூட அதே அச்சு அசல்….


இந்தப் படம் கொண்டே இந்த சிலைகள் ஒன்றே என்று நாம் நிரூபணம் செய்ய இயலும். இந்த சிலை இப்போது எங்கே உள்ளது – ஏதாவது அருங்காட்சியகத்திற்கு அல்லது ஆர்வலருக்கு விற்றுவிட்டார்களோ? இல்லை அமெரிக்காவில் ஆர்ட் ஆப் தி பாஸ்ட் நிறுவனக் கிடங்கில் இன்னும் இருக்கிறதா?

இந்த திருட்டுச் சிலையின் படத்தில் இன்னும் ஒரு துப்பு மறைந்து இருக்கிறது – இல்லாத ஒன்று தான் துப்பு. சிலையின் அடியில் இருந்த அடி மேடை அகற்றப்பட்டுள்ளது. இது தற்செயலான செயல் இல்லை. வேண்டும் என்று அதன் அடி பாகம் பிரிக்கப்பட்டுள்ளது.

அடுத்து வரும் பதிவுகளில் ஏன் இப்படி என்றும் இன்னும் பல திடுக்கிடும் உண்மைகளுடன் சந்திப்போம். இதுவரை இரண்டு சிலைகள் தான் – இன்னும் இருபத்தி ஆறு பாக்கி… !!

தஞ்சை பெரிய கோயில் ஓவியத்தில் இருப்பது ஸ்ரீ ராஜராஜர் மற்றும் கருவூர் தேவர் அல்ல

புகழ் பெற்ற பெரிய கோயில் சோழர் கால ஓவியம் என்று நாம் பல காலம் பார்த்து ரசித்த ஒரே படம், ராஜராஜர் மற்றும் கருவூர்த்தேவர் என்று பல வல்லுனர்கள் நமக்கு தங்கள் நூல்களின் மூலம் கூறி நாம் ரசித்த ஓவியம் – உண்​மையில் அவர்கள் அல்ல. இதுவும் பெரிய கோயில் நிழல் போல இணையத்தில் வலம் வரும் ஒரு தவாறன கருத்து.

இந்த ஓவியங்கள் இருந்த இடம், அவற்றின் அளவு மற்றும் தெளிவான படங்கள் கொண்ட ஆராய்ச்சி நூல் எதுவும் வெளி வராத​தே இந்தத் தவறான கருத்துக்குக் காரணம். இதைத் தவறு என்று நாம் இன்று கருத என்ன காரணங்கள் உள்ளன என்பதை விரிவாக பார்ப்போம்.

1. முதலில் – மாமன்னர் உடையார் ராஜராஜ சோழர் அரியணை ஏறுவதற்கு முன்னர் அருள்மொழிவர்மராய் பதினைந்து வருடங்கள், அதாவது 969 முதல் 985 CE வரை காக்க வேண்டியிருந்தது. மேலும் பெரிய கோயில் கட்டி முடிக்கப்பட்ட வருடம் 1010 CE (இவை நமக்கு அவர் விமானத்தின் மேல் உள்ள கலசத்திற்கு பொன் கொடுத்ததை சொல்லும் கல்வெட்டின் நாளை கொண்டு தெரிய வருகிறது) அதாவது அவர் அரியணை ஏறிய பின்னர் 275 நாட்கள் 25 வருடங்கள். கூட்டிப் பார்த்தால் 985 + 25 = 1010 CE. மேலும் இதுவரை நமக்கு கிடைத்த கல்வெட்டுகளில் அவரது கடைசி ஆட்சியாண்டை குறிக்கும் கல்வெட்டுகள் அனைத்தும் 29ஆம் ஆண்டு தான், அதாவது 1014 CE. இவற்றை வைத்துப் பார்க்கும்​போது பெரிய கோயில் கட்டிய பிறகு ஓவியங்கள் வரையும் நேரம் அவர் சற்று வயதான​போது தான் இருக்க வேண்டும் என்று தெரிகிறது. ஆக ஓவியத்தில் கட்டிளம் கா​ளை போல் இருக்க சாத்தியம் இல்லை.


மேலும், சமகாலத்தில் வரையப்பட்ட பக்கத்துக்கு சுவர்களில் இரண்டு இடங்களில் அவரது உருவப்படம் உள்ளது. தில்லை கூத்தனின் எதிரில் தனது மனைவிமார்களுடன் நிற்கும் காட்சியிலும், பெருவடையார் முன்னர் அமர்ந்த கோலத்திலும் – அவர் வயதான கோலத்தில் பெரிய தாடியுடன் இருக்கிறார்.

2. அடுத்த முக்கிய ஆதாரம் – பொதுவாக ஓவியத்தில் கருப்பொருள் நடுவில் வரையப்படும். வெளிப்புறத்தில் இருக்கும் அனைத்தும் ஓவியத்தை காண்போர் பார்வை உட்புறம் – கதையின் கருப்பொருளை நோக்கியே இருக்கும். மன்னர் பெரும்பாலும் அ​னைத்து சாமானியரைக் காட்டிலும் சற்றே பெரிதாக இருப்பார் – கடவுளுக்கு அடுத்த படியில்.


இந்த ஓவியங்களை பற்றிய நல்ல படங்கள் இல்லாத காரணம் தான் முன்னர் பலரும் இவ்வாறு தவறாக அடையாளம் கொள்ள காரணம் என்று நினைக்கிறேன். அதிர்ஷ்ட வசமாக தொல்லியல் துறை மற்றும் திரு. சீதாராமன், ஓவியர் திரு. சந்துரு மற்றும் திரு. தியாகு அவர்களின் அரிய படைப்பில் இரண்டு நூல்கள் வெளி வந்துள்ளன. தஞ்சை தமிழ்ப் பல்கலைக்கழகம் சோழர் ஓவியம் மற்றும் தொல்லியல் துறை நூல்கள் தான் அவை.

3. மேலே குறிப்பிட்டவற்றை நினைவில் கொண்டு மீண்டும் அந்த இருவருடைய ஓவியத்தை பார்ப்போம். ஆனால் இப்போது சற்று தொலைவில் இருந்து முழுச்சுவற்றில் உள்ள அனைத்தையும் காண்போம். அவர்கள் இருவருக்கு மேலே அவர்களை விட அளவில் சற்று பெரியதாகவே இருவர் நிற்பதைக் காணலாம். மேலும் சுவற்றின் ஓரத்தில் இருவரும் உள்ளனர்.


கண்டிப்பாக மாமன்னரை இப்படி சித்தரிக்க வாய்ப்பே இல்லை.

4. சரி, இவர்கள் மாமன்னரும் கருவூர்த்தேவரும் இல்லை என்றால் வேறு யாராக இருக்க முடியும்? ஒரு விஷயம் இங்கு நாம் கவனிக்க வேண்டும். பெரியவர் பூணூல் அணிந்திருக்கும் பாணி – வழக்கத்துக்கு மாறாக வலது தோள் மீது – அதாவது ஈமச்சடங்குகளின் ​போது அணியும் பாணியில் இருப்பது. அப்போது இது ராஜேந்திர சோழர் மற்றும் கருவூரார் என்று ஒரு வாதம் உள்ளது. ஒருவேளை மாமன்னர் இறந்த பின்னர் ….

அப்படி இருக்க சாத்தியங்கள் குறைவு – கருவ​றையின் வெளிச்சுவற்றில் இருக்கும் இந்த ஓவியங்கள் மங்கள காட்சிக​ளைத் தான் குறிக்கும்.

ஒருவேளை மேல் துண்டு தான் நம் கண்ணுக்கு வஸ்திர யக்​ஞோபவீதம் போல தெரிகிறதோ?

5. வேறு யாராக இருக்க முடியும்? தஞ்சை அரண்மனை அருங்காட்சியகத்தில் நாரதர் மற்றும் சித்திரசேனர் சிற்பம் ஒற்று இருக்கிறது. இதை ஓவியத்துடன் ஒப்பிட்டு பார்க்கும்​போது…

6. இன்னும் ஒரு தடயம் நமக்கு உதவுகிறது. சுந்தரர் சேரமான் பெருமாளுடன் கைலாயம் செல்லும் காட்சியை அப்படியே படம் பிடித்து காட்டும் ஓவியம் ..

மேல் பக்கம் நீங்கள் பார்க்கும்​போது இடது புறம் பாருங்கள்.

வானுலகத்தில் பலரும் இந்த அற்புத காட்சியை காண அணிவகுத்து நிற்கின்றனர்.

இவர்கள் த்வாதச ஆதித்யர்கள் மற்றும் ஏகாதச ருத்ரர்கள்

அவர்களை ஒட்டி ஓரத்தில் நிற்கும் இருவரை பாருங்கள்.

சுந்தரரும் சேரமான் பெருமாளும் கைலாயம் செல்லும் போதே வானுலகத்தில் நின்று அவர்களை வரவேற்கும் இருவர், பல காலம் பின்னர் மண்ணில் தோன்றி சோழர் பெருமையை உலகெங்கும் பரவச் செய்த மாமன்னர் ராஜராஜரும் கருவூர்த்தேவராகவும் இருக்க முடியாது.

படங்கள் உதவி : திரு கோகுல் சேஷாத்ரி , திரு தியாகு , திரு ஸ்ரீராமன் , திரு ஓவியர் சந்துரு மற்றும் ஹிந்து


Warning: printf(): Too few arguments in /home/121964.cloudwaysapps.com/ybmymhpehw/public_html/wp-content/themes/fiore/content.php on line 34
Leave a comment

ஓவியர்கள் அருங்காட்சியகத்திற்குச் சென்றால்

சிறு வயதில் பல முறை அருங்காட்சியகங்களுக்குச் சென்ற நினைவு. ஒவ்வொரு முறை திரும்பும் போதும், ஏதோ ஓர் ஏக்கம் தொடரும் – அந்த அற்புதக் கலைப்பொக்கிஷங்களை போல நம்மால் செய்ய இயலுமா? என்ற கேள்வி எழும். உடனே ஒரு காகிதம் எடுத்து, பார்த்தபடி வரைய யத்தனிப்பேன். இருந்தும் பல கோணங்களில் எண்ணங்கள் சிதறிப்போனதால் அப்போது ஆர்வம் இருந்தும் ஓவியக்கலையை வளர்க்க நேரம் கிடைக்கவில்லை. இன்றும் என் வீட்டில் எந்நேரமும் ஒன்றிரண்டு காலி கான்வாஸ்கள் எனது படைப்புக்காகக் காத்து நிற்கின்றன…

ஒருவேளை அதனால்தானோ என்னவோ ஓவியம் தீட்டும் நண்பர்கள் கிடைத்தால் அவர்களை மிகவும் தொந்தரவு செய்கிறேன் போல!!! அப்படிப் படாத பாடுபடும் நண்பர் தான் முரளி. அவர் மூலமாக ஓர் அற்புத ஓவிய முயற்சிக்கு அறிமுகம் கிடைத்தது.
ஓவியர்களின் ஒரு பட்டாளமே அருங்காட்சியகம் சென்றால்!!!!!
அதுவும் எழும்பூர் செப்புத்திருமேனிகள் பவனி…..
இவர்களது பார்வையில்…

இவர்கள் தங்களுக்கென “Chennai Weekend Artists” என்று ஒரு குழுமம் அமைத்துச் செயல்படுகின்றனர்.

இவர்களது படைப்புகளை ஒவ்வொன்றாகச் சிற்பங்களுடன் ஒப்பிட்டுப் போடலாம் என்று தான் துவங்கினேன் – ஆனால் அவர்களது கலையைக் கண்டவுடன் அவை மட்டுமே போதும் என்று நிறுத்திக்கொண்டேன்.
ஓவியர் பாலாஜி




ஓவியர் கணபதி சுப்ரமணியம்


ஓவியர். கார்முகிலன் செல்லக்கண்ணு

ஓவியர். முரளிதரன் அழகர்










ஓவியர். நித்யா




ஓவியர். சுபாஷ் ராவ்



ஓவியர் . அன்புச்செல்வி




இது போன்ற முயற்சிகள் இன்னும் பெருகவேண்டும் – குறிப்பாக அடுத்தத் தலைமுறைக்கு இவை செல்ல வேண்டும். இதற்காக அவர்கள் பள்ளிகள் மற்றும் கல்லூரிகளுடன் சேர்ந்து இதைப் போன்று இன்னும் பல வரலாற்றுப் பொக்கிஷங்களைக் கலைக்கண்ணுடன் பார்க்க உதவி செய்யவேண்டும். இன்று குழந்தைகள் ஓவியம் என்றாலே இரண்டு மலைகளுக்கு நடுவே தோன்றும் ஆதவனை மட்டுமே வரையாமல், இவை போன்ற பல காட்சிகளைத் தங்களது தூரிகைகளைக் கொண்டும் தீட்டவேண்டும்.

For those interested to know more about the CWA:

CWA is a group of artists and art enthusiasts who sketch on location in and around Chennai during weekends. CWA meets every Sunday at a location of interest. Any media is encouraged, though we mostly tend to focus on traditional methods. CWA comprises people from all walks and stages of life. only thing that unites is a passion to draw, paint and appreciate art. We share our knowledge through regular “Mini talks”, which are short focused and well researched practical how-to’s on the various facets of art. All are welcome to join. We use the below groups to share information about upcoming events, photos, reports and works by members.
CWA is a not for profit group.

Operates at
FB:
Penciljammers:

Group mail: [email protected]
===============================================

Report for Museum meeting:
Penciljammers:
FB:


Warning: printf(): Too few arguments in /home/121964.cloudwaysapps.com/ybmymhpehw/public_html/wp-content/themes/fiore/content.php on line 34
Leave a comment

விருதாச்சலம் அர்தனாரி ஆஸ்திரேலியா சென்ற திருட்டு பாதை

ஒரு சில சிற்பங்கள் மற்றும் பார்த்தவுடனே நம்மை கவரும் – அது போன்ற ஒன்று தான் இந்த அர்த்தநாரி வடிவம். பார்த்த மட்டத்தில் மனதை பறிகொடுத்தேன்.

சிற்பிக்கு “விடை”யே விடை என்ற பதிவில் அதனை உபயோகம் செய்த பொது எனக்கு இந்த அதிர்ச்சியான தகவல் தெரிய வில்லை. இந்த சிலை களவு பொய் விட்டதென்று….

சிலை திருட்டு பற்றிய பதிவுகள் குறிப்பாக இந்த பதிவை பார்த்த நண்பர்கள் செப்புத் திருமேனிகள் மட்டும் தான் களவு போகின்றன என்று நினைப்பார்கள். இதை ஒட்டி இன்று ஹிந்து பேப்பரில் வந்த செய்து என்னை மிகவும் கவர்ந்தது ஆஸ்திரேலியா நடராஜர் பற்றி . அந்த பதிவில் இன்னும் ஒரு இணைய தளம் பற்றி குறிப்பு இருந்தது. Chasing Aphrodite சென்று பார்த்த பொது அந்த பதிவில் இருந்த ஒரு கோஷ்ட சிற்ப்பத்தை பார்த்தவுடனேயே மனதில் சுருக் என்று பட்டது !!

மேலும் இந்த சிற்பம் வாங்கிய விதம் பற்றி கிடைத்த தகலவல் இதோ….

Quote: Ardhanarishvara

In 2004, the Gallery purchased this Chola-period sculpture from Kapoor for more than $300,000. The 44-inch stone figure represents Ardhanarishvara, the androgynous form of Shiva and Parvati. It comes from Tamil Nadu, home to some 2500 important temples to Shiva. The image of Ardhanarishvara was likely in a niche on an external wall.

Kapoor provided two documents with the sculpture.

One is a receipt dated 1970, purportedly from Uttam Singh and Sons, the Delhi “copper and brass palace” that sold the sculpture to a private collector.

The second document purports to be a 2003 “Letter of Provenance” on letterhead from Art of the Past, Kapoor’s Madison Ave. gallery. It is signed by “Raj Mehgoub,” who claims to be the wife of a diplomat who lived in Delhi from 1968 to 1971.”

உடனே எனது புத்தகங்களை தேடி அலசினேன். குறிப்பு கிடைத்தது..


Early Cola Architecture and Sculpture
; 866-1014 A.D.
Douglas E. Barrett – புத்தகம் வெளி வந்த ஆண்டு 1974 . !! அப்போதும் இந்த சிலை கோயில் கோஷ்டத்தில் இருந்ததற்கான ஆதாரம் இதோ…

சாமானிய கண்ணுக்கே இரு படங்களும் ஒரே சிலை தான் என்றும் ஆதாரமாக காட்டப்படும் ரசீதுகள் கண்துடைப்பே என்றும் தெள்ளத் தெளிவாக உள்ளது. இவற்றறை கொண்டு அதிகாரிகள் தக்க நடவடிக்கை எடுத்த இந்த அற்புத சிலையை மீட்டு கொடுக்க வேண்டுகோள்.


Warning: printf(): Too few arguments in /home/121964.cloudwaysapps.com/ybmymhpehw/public_html/wp-content/themes/fiore/content.php on line 34
Leave a comment

சம்பா ( வியட்நாம்) சிற்பங்கள் – பாகம் 2 – இராவணன்


ஹோ சி மின்ஹ் அருங்காட்சியகத்தில் சம்பா சிற்பங்களிடம் மனதைப் பறிகொடுத்த
நாள் முதலே மிசோன் கோயில்களுக்கும் தனாங் சம்பா சிற்பங்கள் அருகாட்சியகத்துக்கும் போக வேண்டும் என்ற ஆவல் மனதை ஆட்கொண்டு விட்டது. அதிர்ஷ்டவசமாக சென்ற வாரம் அந்த நெடுநாள் ஆசையும் நிறைவேறியது. மறக்க முடியாத இரண்டு நாட்கள்…

உதயகாலையில் ஆதவனின் கிரணங்களில் மிசோன் காண முடிவு செய்து விடியற் காலை நாலரை மணிக்கே அலாரம் வைத்து புறப்பட்டேன். தங்கியது தானங் அருகே ஹோய் ஆன் என்ற அழகிய இடத்தில – அங்கிருந்து சுமார் ஒரு மணி நேரம் பயணம் – கோடை காலம் என்பதால் அதற்குள் நல்ல வெய்யிலே வந்து விட்டது. எனினும் ஆள் நடமாட்டமே இல்லை – அழகிய புல் தரை கொண்ட சைட் – மலை அடிவாரத்திலேயே காரை நிறுத்த வேண்டும். கொஞ்சம் மலை ஏறி இறங்கினால் ……

இந்த செங்கல் கோயில்களை பற்றிய பதிவிற்கு இன்னும் கொஞ்ச காலம் நீங்கள் காக்க வேண்டும். இன்னும் நிறைய வேலை பாக்கி உள்ளது – படிக்க பல விஷயங்கள் உள்ளன. எனினும் என் கண்ணிற்கு மிகவும் பிடாத சிற்பம் ஒன்றை இன்றைக்கு உங்களுக்கு படைக்கிறேன்.

அங்குள்ள கோயில்களில் உள்ளேயே ஒரு தற்காலிக அருங்காட்சி போல வைத்துள்ளனர் – வெளியில் பெரிதவலில் ஒரு அருங்காட்சிகம் உருவாகிக்கொண்டிருக்கிறது. எனினும் இன்றைக்கு நாம் காணும் சிற்பம் தரையில் ஒரு பெயர் பலகை கூட இல்லாமல் இருக்கிறது. எத்தனை பேருக்கு இந்த அருமை தெரியுமோ?

ஆம் இது ஒரு அற்புத புடைப்புச் சிற்பம். ராவண அனுக்ரஹ மூர்த்தி. பத்தாம் நூற்றாண்டு என நான் கணிக்கிறேன். இதனைப் பற்றி தகவல் எதுவும் கிடைக்கவில்லை. ஒரே ஒரு குறிப்பு கிடைத்தது. ஆனால் அருமையான குறிப்பு.

Champa and the Archaeology of Mỹ Sơn (Vietnam) என்ற நூலில் இந்த வடிவம் கண்டெடுக்கப்பட்ட பொது எடுத்த படம்.

நூலில் உள்ள ஆங்கில குறிப்பு : Tympanum depicting Ravana shaking Mt. Kailash. Recovered at My Son. Present location unknown ( photograph Musee Guimet Archive, undated)

நண்பர் ஓவியர் திரு முரளிதரன் உதவியுடன் இதனை மேலும் ரசிக்க ஒரு முயற்சி. இன்றைய நிலையில் சிற்பமாக வடிவமைக்கப்பட்ட இறைவனின் உடல் பாதிக்கு மேல் சிதைந்து விட்டது.

இந்த வடிவத்தில் பிள்ளையார் வருவது கவனிக்க வேண்டிய ஒன்று. அருமையான நந்தி. கம்போடியா சிற்பம் முன்னர் நாம் பார்த்த போதும் அங்கேயும் பிள்ளையார் இருந்தார்.

இந்த சம்பா சிற்பத்தில் ஒரு விமானம் முழுமையாக இருப்பது வினோதமான ஒரு அம்சம். அதற்கு அடியில் ஒரு பெரிய யானை உள்ளது. மேலே காட்டு மிருகங்கள் உள்ளன ( ஒன்று குகையில் இருப்பது போலவும் உள்ளது )

இராவணனின் வலிமையை மிகவும் அருமையாக விவரிக்கப்பட்டுள்ளது. ஏதோ பறவை ஒன்று இறக்கையை விரிப்பது போல விரியும் கைகள் உள்ளன. காலை மாற்றி மாற்றி கயிலையை தூக்க முயற்சிக்கும் காட்சியை காட்ட அவனுக்கு மூன்று கால்கள் போல வடித்தாலும் – அவை இரு விதமாக அவன் திரும்பத் திரும்ப முயற்சிப்பதாக அமைக்கப்பட்டிருக்கும் காட்சியே !

முகம் உள்புறம் திரும்பி இருக்கும் வண்ணம் வடிப்பது மிகவும் கடினம். இதை நாம் எல்லோரா காட்சியுடன் ஒப்பிட்டு பார்க்கலாம்.

ஆனால் சம்பா சிற்பியின் முழு திறமையை காண இராவணின் பத்து தலைகளை காட்ட அவன் உபயோகித்த பாணி தான் இந்த சிற்பத்தின் உன்னதம்.

இவ்வாறு அதுவும் புடைப்புச் சிற்பத்தில் வடிப்பது மிகவும் கடினம் – பத்து தலை சிற்பத்தில் கட்டுவது மிகும் கடினம். அதனை புகழ் பெற்ற மல்லை ராஜசிம்ஹா பல்லவனின் சிற்பிகளே ஓலக்கநெஸ்வர ஆலயத்தில் சரியாக செய்யவில்லை என்று தான் நான் சொல்வேன்.

சம்பா சிற்பிக்கு தலை வணங்குகிறேன். இந்த பதிவை முடிக்கும் தருணத்தில் நண்பர் முரளி ஓவியத்தையும் முடித்து விட்டார் ….கலை என்றும் அழிவதில்லை….


Warning: printf(): Too few arguments in /home/121964.cloudwaysapps.com/ybmymhpehw/public_html/wp-content/themes/fiore/content.php on line 34
Leave a comment

பாம்பு காதணியை தேடி

வாழ்க்கையே ஒரு தேடல் – அப்படி ஒரு தேடலில் நாம் தேடியது கையில் கிடைத்தவுடன் வரும் மகிழ்ச்சி !! அதுவே பல நாள் தேடலாக இருந்த பின்னர் கிடைத்த பொருளாக இருந்தால் – மிகுந்த மகிழ்ச்சி தான். முன்னர் ஒரு முறைஒரு மோதிரத்தை தேடி சென்றோம். அதே போல இன்று ஒரு காதணியை தேடி பயணிக்கிறோம் ! வெறும் காதணியா அது ? பாம்பு காதணி !!

கையில் எடுத்து ராமன் ஐயா தந்த போது அது என்ன என்று புரியவில்லை. “என்ன சார் இது தாயத்தா?” என்று தான் கேட்க தோணியது. ” இல்லை இது ஒரு வித காதணி “என்று அவர் சொன்னபோதும் நம்பிக்கை வர வில்லை. “இதை எப்படி சார் அணிவார்கள் ! போட்டு காட்டுங்க?” என்று சொன்ன பொது -” நம்மால் முடியாது – இதுக்கு ஆச்சி காத்து வேணும் ” என்றார் ! பத்தொன்பதாம் நூற்றாண்டு வரையிலும் இந்த வகை காதணிகள் தமிழ் நாட்டில் பரவலாக இருந்தது என்று சொல்லி வெள்ளி மற்றும் தமிரத்திலும் எடுத்துக் காட்டினார் !!



நமக்கு ஆச்சி காதணி என்றாலே இன்று பாம்படம் என்று கிராமங்களில் பார்த்த நினைவு தான் ! இது போல. ஒரு வேளை ’இப்படி இருந்த நான் இப்படி ஆயிட்டேன் கதையோ ??’

இன்னும் தேடியதில் இந்த பதிவு கிடைத்தது “Snake earrings of India” அதில் குறிப்பாக இதனை நாகவடூர (ம்) என்று சொல்கிறார்.

இதைக் கொண்டு மேலும் தேடியதில் இணையத்தில் இன்னும் சில குறிப்புகள் கிடைத்தன. – இவை பத்தொன்பதாம் நூற்றாண்டு படங்கள் -19thC


Images:
http://collections.vam.ac.uk/item/O79092/earrings-unknown/
http://shanalramlall.blogspot.sg/2010/03/earrings-from-old-days.html
http://www.asianart.com/articles/ganguly/22.html

அப்படி இருந்தும் – இதை போன்ற காதணியை இப்படி தான் அணியவேண்டும் என்று காட்ட ஒரு படமும் கிடைக்க வில்லை. மனிதர்களை விட்டுவிட்டு சிலைகளில் தேடலாம் என்றபோது மீண்டும் ராமன் சார் – ‘ஒ, இருக்கே ……………. கோயில் பாவை விளக்கு சிற்பத்தின் காதில் இருக்கு’ என்றார். உடனே அங்கு சென்றோம் – ஆஹா , அதே நாகவடூரம் ! அப்போது படம் எடுக்க முடியவில்லை.

அதிருஷ்டவசமாக நண்பர் வீரென் மூலமாக புதவை திரு வசந்த் கதிர்வேல் படங்களை தந்து உதவினார். என்ன அழகு – நீங்களே பாருங்கள்!!

இந்த செப்புச் சிலை சுமார் 17th – 18th C. சார்ந்தது. காதில் நாகவடூரம் என்ன அழகாக இருக்கிறது பாருங்கள் .

தற்போதைய நவீனவகை நகைக் கடைகள் இவை போன்ற பாரம்பரிய டிசைன்களுக்கு உயிர் கொடுக்க வேண்டும் – எப்படியெனில் சாதாரண காதுகளிலேயே அணியும் வண்ணம் இதை சற்று மாற்றி அமைக்க வேண்டும் – அல்லது இவ்வளவு பெரிய காது துளை மீண்டும் ஃபாஷனாவதற்கு எத்தனை ஆண்டுகள் பிடிக்குமோ !! !!


Warning: printf(): Too few arguments in /home/121964.cloudwaysapps.com/ybmymhpehw/public_html/wp-content/themes/fiore/content.php on line 34
Leave a comment