சென்ற வாரம் ஆஸ்திரேலியா நமது இரண்டு கலைப்பொக்கிஷங்களை திரும்பக் கொடுத்தது. எங்களுக்கு கிடைத்த முதல் வெற்றி இது. எனினும் இன்னும் ஆயிரம் ஆயிரம் பொக்கிஷங்கள் திருடுபோய் உள்ளன – இவை அனைத்தையும் திரும்பப் பெற ஒரு மாபெரும் முயற்சி தேவை.

திரும்ப வந்த சிலைகள் இந்த ஆண்டு ஏப்ரல் மாதமே நம் நாட்டிற்கு வந்திருக்க வேண்டும். இன்னும் பல பொக்கிஷங்கள் அதே அருங்காட்சியகத்தில் சரியான ஆவணங்கள் இல்லாதாதால் மாட்டிக் கொண்டு இருக்கின்றன. இவை அனைத்தும் பொய்யான தஸ்தாவேஜுகள் கொண்டு விற்கப்பட்டுள்ளன.

அர்தனாரி சிலை – விருத்தாசலம் கோயிலில் இருத்தும் நடராஜர் திருமேனி முழு ஆதரங்களுடன் எங்களால் நிருபணன் செய்ய பட்டதனால் மட்டுமே திரும்ப வந்துள்ளன. அருங்காட்சியகங்களுக்கு இது ஒரு எச்சரிக்கை மணி – உலகம் சுருங்கி வருகிறது – பல ஆர்வலர்கள் இணையம் மூலம் இணைத்து செயல் பட்டு இந்த திருட்டுகளை வெளி கொண்டு வருகிறோம். இணயும் அவை உண்மையை மூடி மறைக்க முடியாது.

நண்பர்கள் பலரும் இந்த முயற்சியில் நாங்கள் எப்படி இணையலாம் – எப்படி உதவ முடியும் என்று கேட்ட வண்ணம் இருக்கிறார்கள். அவர்களுக்கு இன்று ஒரு எடுத்துக்காட்டு..

அர்தனாரி சிலை பற்றிய தகவல்களை முதல் முதலில் பகிரங்கமாக நாங்கள் வெளி இட்டவுடன் பல பத்திரிகைகள் பின்ன்தொடர்ந்தன – ஆஸ்திரேலியா வானொலி , தி ஆஸ்திரேலியன் , The தி ஹிந்து , தி ஹிந்து

இதனைக் கண்ட அமெரிக்க தோழி ஒருவர் – நம் நாட்டின் கலை பற்றி அலாதி பிரியமும் தேர்ச்சியும் பெற்ற ஆர்வலர் தானே உதவ முன்வந்தார் . ஜூன் 2013 மாதம் அவர்களிடத்தில் இருந்து ஒரு குரியர் வந்தது. சென்ற பத்து ஆண்டுகளில் சுபாஷ் கபூர் ஆர்ட் ஒப் பாஸ்ட் பத்திரிகைகளில் வெளியிட்ட விளம்பரங்களை எல்லாம் தேடி பிடித்து வெட்டி செய்த சேகரம் அது.

அதை பிரித்து பார்த்தவுடனே ஒரு அதிர்ச்சி…

மறக்க முடியாத சோழர் திருமேனி ஆயிற்றே. முதல் முறை பார்த்தவுடனே மயங்கியவன் ஆயிற்றே. அதுவும் ஓவியமாக தீட்டி எனது அறையில் தினமும் கண்விழிக்கும் பொது பார்க்கும் சிற்பம் ஆயிற்றே.

உடனே தமிழக காவல் துறை இணையதளத்தில் சென்று பார்த்தேன் . மூன்றாவது உள்ள சிலை நெருடியது.

கோப்பை இணையத்தில் ஏற்றும் பொது படந்தின் அளவில் யாரோ தவறு செய்து விட்டனர். சரி செய்து கிடைத்த படம் இதோ.

ஆம் அதே சிலை தான். ஸ்ரிபுராந்தன் உமை

அதே நிறத்தில் இன்னும் ஒரு தோழி 2006 ஆம் ஆண்டு ஆர்ட் ஒப் பாஸ்ட் விற்பனை பட்டியல் தேடி அனுப்பினார்கள்.

சிங்கை ACM அருங்காட்சியகம் இந்த திருமேனியை 2007 ஆம் ஆண்டு வாங்கியது தெரிய வெந்தது.

உடனே இந்திய காவல் துறை மற்றும் அருங்காட்சியகத்திற்கு தகவல் தெரிவித்தோம். அனைத்து ஆதாரங்களையும் உடன் அனுப்பினோம். பதில் வரும் என்று நம்பிய எங்களுக்கு ஏமாற்றம் தான்.

அதிஷ்டவசமாக அமெரிக்க நீதிமன்றத்தில் சென்ற ஆண்டு டிசம்பர் மாதம் கபூரின் மேனேஜர் கொடுத்த வாக்குமூலம் திருட்டை பகிரங்கமாக்கியது.

“During the period from on or about January 2005 to November 2006, one Uma Parameshvari (known at the “$650,000 Uma for Singapore”), owned by the Central Government of India, was stolen from the Sivan Temple in India’s Ariyalur District. During the period January 2006 to on or about January 2007, defendant and other co-conspirators shipped the $650,000 Uma for Singapore, from India to the United States. On or about February 2007, defendant and other co-conspirators arranged for the sale and transport of the $650,000 Uma to the Asian Civilisations Museum in Singapore.”

உடனே சிங்கை அருங்காட்சியகம் சிலையை காட்சியில் இருந்து நீக்கியது. மேலும் அது கபூரிடத்தில் இருந்த மேலும் பல கலைப்போருல்களை வாங்கிய தகவலும் வெளிவந்தது.

இந்த இழுவை தந்திரம் திருட்டு பொருளை வாங்கி விட்டு திணறும் உலகில் உள்ள பல பிரபலமான அருங்காட்சியகங்கள் பழக்கம் போல உள்ளது. இதில் இந்த கலை கோமான் சொல்வதை கேளுங்கள்

” Art consultant ————– suggests that there may also be alternatives to repatriation, even if an artefact is found to have been illegally removed.

“In this context, I would say that it should be an option for the museum to discuss having the artefacts stay on in a loan arrangement and perhaps to present these works jointly in public exhibitions or publications.”
– See more at: http://www.straitstimes.com/the-big-story/case-you-missed-it/story/sniffing-out-booty-20140214#2″

இந்தியா ஒரு வல்லரசு – அதற்கு தனது குல தனங்களை பாதுகாக்க வாக்கு இல்லாமல் இல்லை – இவை எங்கள் தெய்வங்கள் – ஆயிரம் ஆண்டுகள் தங்கள் ஆலயங்களில் அழகாக இருந்த இவர்களை – சரியான படி ஆய்வுகள் மேற்கொள்ளாமல் – பல கோடி ரூபாய் பணம் வாரிக் கொடுத்து – அப்புறப்படுத்தி – திருட்டை ஆதரித்து – இன்று அவற்றுக்கு குளிர் சாதனம் எங்களால் மட்டுமே கொடுக்க முடியும் என்று சொல்வது மிகவும் கேவலமாக உள்ளது. இவை திருமேனிகள் – கருவறைக்குள் இருந்த தெய்வங்கள் – இவற்றுக்கு உங்கள் குளிர் சாதன பெட்டி தேவை இல்லை. எங்கள் அன்பு இதயங்கள் போதும்

ஆஸ்திரேலியாவை போல சிங்கையும் கூடிய விரைவில் அணைத்து களவு பொருட்களையும் திரும்ப கொடுக்கும் என்று நம்புவோம். மேலும் முன்னர் நாம் பார்த்த சோமஸ்கந்தர் சிலையை பற்றிய விவரங்களையும் சிங்கை ACM வெளியிட வேண்டும். இதுவரை இந்த சிலை அவர்கள் கபூரிடத்தில் வாங்க வில்லை என்று மட்டுமே சொல்லி வருகின்றனர். சரியான விவரங்கள் தராமல் இருப்பது மேலும் ஒரு கொள்ளை கூட்டத்தை வெளிச்சத்திற்கு கொண்டு வருவதை தடுக்கிறது.

பல நாள் திருடன் ஒரு நாள் அகப்படுவான் – அப்படி பல வருடங்களுக்குப்பின் சிவபுரம் சிலைகளை திருடிய ஸ்தபதி செய்த நகலே நமக்கு ஒரு முக்கிய துப்பு தந்துள்ளது.

இந்த சிவபுரம் சிலை திருட்டு பற்றிய முதல் பாகத்திலும் மற்றும் இரண்டாம் பாகத்திலும் களவு போன ஆறு சிலைகளில் இரண்டு சிலைகளுக்கும் அமெரிக்காவில் உள்ள நோர்டன் சைமன் அருங்காட்சியகத்துக்கும் உள்ள தொடர்பை நிரூபித்தோம். நடராஜர் பெரும் போராட்டத்திற்குப் பிறகு தமிழகம் திரும்பினார் எனபது மட்டுமே அனைவருக்கும் தெரியும். இன்றும் மற்ற ஐந்து சிலைகள் காணவில்லை என்று தான் காவல் துறை தஸ்தாவேஜுகள் சொல்கின்றன. சென்ற இரு பதிவுகள் மூலம் சிவபுரம் சோமஸ்கந்தர் திருமேனி இன்றும் அமெரிக்காவில் உள்ளது என்பதை முக்கிய குறிப்புகளுடன் நிரூபணம் செய்தோம்.

மற்ற நான்கு சிலைகள் என்னவாயின ? தொலைத்த இடத்தில தானே தேட வேண்டும் – காவல் துறை பதிவு செய்த குற்றப் பத்திரிகையின் படி சோமஸ்கந்தர் உடன் இன்னும்“Thirugnanasambandar, Pillaiar and two Amman” கண்டுபிடிக்க முடியவில்லை.

மேலும் இந்த சிலைகள் 1954 – 1956 இடைப்பட்ட தருவாயில் திருடப்பட்டன. ஸ்தபதி உதவியுடன் நகலை கோயிலுக்கு கொடுத்துவிட்டார்கள். . “The trustees of the temple wanted to repair the idols and this work was entrusted to Ramasamy Sthapathy of Kumbakonam in the year June 1954. In the year 1956 Thilakar of Kuttalam and his brother Doss induced Ramasamy Sthapathy to part with the original Natarajar and 5 other idols and to substitute the same with fake idols. “

துரதிஷ்ட வசமாக திரு ஸ்ரீனிவாசன் அவர்களது நூலில் நடராஜர் / சோமஸ்கந்தர் படங்களை போல ஒரிஜினல் அம்மன் சிலைகளின் படங்கள் இல்லை. இவை இல்லாத பட்சத்தில் எதை கொண்டு தேட முடியும் ?

அதற்க்கு விடை – பாண்டி பிரெஞ்சு இன்ஸ்டிடுட் 15th June 1956 மற்றும் 16th Nov 1957 எடுத்த படங்கள். சென்ற பதிவில் திருட்டு ஸ்தபதி ஒரிஜினல் போலவே சோமஸ்கந்தர் சிலை மற்றும் நடராஜர் சிலைகளை செய்தான் என்பது தெரிய வந்தது.

அதே போல பிரெஞ்சு இன்ஸ்டிடுட் எடுத்த மற்ற சிலைகளின் படங்களை தேடிய பொது இந்த தனி அம்மன் சிலை கிடைத்தது.

நோர்டன் சைமன் அருங்காட்சியக பிற சிலைகளுடன் ஒப்பிட்டு பார்த்த பொது இந்த சிலை கிடைத்தது

Parvati, c. 1000
India: Tamil Nadu, 975-1025
Bronze
32-1/2 in. (82.6 cm)
The Norton Simon Foundation
F.1972.10.S
© 2012 The Norton Simon Foundation

இதில் நாம் கவனிக்க வேண்டிய ஒன்று – இந்த சிலையை அவர்கள் சேர்த்த ஆண்டு – 1972, அதே ஆண்டில் தான் சிவபுரம் நடராஜர் மற்றும் சோமஸ்கந்தர் சிலைகளும் சேர்க்கப்பட்டன.

இரு சிலைகளையும் ஒன்றாக வைத்து பார்க்கும்போது கண்டிப்பாக ஒன்றை ஒத்தே மற்றொன்று செய்யப் பட்டுள்ளது என்று தெரிகிறது.

எதோ ஒரு அலட்சியத்தாலோ என்னவோ – நடராஜர் வடிவத்தை நகல் செய்த பொது காட்டிய ஆர்வத்தை சோமஸ்கந்தர் மற்றும் அம்மன் சிலைகளை செய்த பொது ஸ்தபதி காட்ட வில்லை என்று தோன்றுகிறது. பல இடங்களில் வித்தியாசம் தெளிவாகவே தெரிகிறது – எனினும் இரு சிலைகளையும் ஒன்று சேர வைத்து பார்த்தால் தானே குட்டு வெளிப்படும் என்று அவன் நினைத்திருக்கலாம். மேலும் செப்பு சிலை வார்ப்பது என்பது எவ்வளவு கடினம் – ஆயிரம் ஆண்டு சோழர் கலை செல்வத்தை நகல் எடுப்பது கடினம் தானே.

சோமாஸ்கந்தர் சிலை போல இந்த அம்மன் சிலைக்கு நம்மிடத்தில் நேரடி ஆவன படங்கள் இல்லை என்றாலும் நடராஜர் மற்றும் சோமஸ்கந்தர் சிலைகள் திருடிய முறை, சென்றடைந்த இடம் என்று அனைத்தையும் வைத்து பார்த்தால் – கண்டிப்பாக இந்திய அரசு இந்த வழக்கை மீண்டும் திறக்க வேண்டும். யாருக்கு தெரியுமோ இல்லையோ திருட்டு பொருளை வாங்கி இன்றும் காட்சிக்கு வைத்திருக்கும் அந்த அருங்காட்சியகத்தின் அதிகாரிகளுக்கு உண்மை தெரியும் !!

தமிழக கோயில்களில் உள்ள சிலைகளை முறைப்படி படம் எடுத்து வைப்பதன் முக்கியத்துவத்தை நிரூபிக்க இதனை விட ஒரு பெரிய உதாரணம் தேவை இல்லை.

1916 ஆண்டு வெளிவந்த நூல் என்றவுடன் ஏனோ தானோ என்று தான் இருக்கும் என்று எண்ணி வேக வேகமாகப் பக்கங்களை புரட்டினேன் – செப்புத் திருமேனிகள் படம் கண்ணில் பட்டது. எங்கேயோ பார்த்த நினைவு.

South-indian images of gods and goddesses (1916)

இலவசமாக தரவிறக்கம் செய்ய இங்கே சொடுக்கவும்.

பக்கம் 109 (129 in the pdf) உள்ள படம் தான் எனது ஆர்வத்தை தூண்டியது.

சோமஸ்கந்தர் சிலை – உலோகம் – சிவன்கூடல் என்ற குறிப்பு மட்டுமே இருக்கிறது.

பொதுவாக சோமஸ்கந்தர் வடிவம் ஒரே பீடத்தில் அமர்ந்திருப்பது போலவே இருக்கும் – இந்த சிலையில் வெவ்வேறாக வார்த்து இருப்பது கவனிக்கத்தக்க அரிய விஷயம். இப்படி உலோகத்தில் செய்வது கடினம் – இரண்டு பீடங்களை ஒரே அளவில் வார்க்க வேண்டும் – அதில் உள்ள கோடுகள் உட்பட அனைத்தும் ஒரே சீராக இருக்கவேண்டும்.

இதுவே நமக்கு தரும் முக்கிய துப்பு/குறிப்பு. தற்போது சிங்கை அருங்காட்சியகத்தில் இருக்கும் சிலை மட்டுமே இது போல இருக்கிறது. இந்த சிலையை அருங்காட்சியகம் 2000 ஆம் ஆண்டு வாங்கியது. யாரிடம் இருந்து வாங்கினார்கள் என்ற விவரங்கள் இல்லை.

இரு சிலைகளையும் ஒப்பிட்டு பார்ப்போமா?

இரண்டு சிலைகளும் ஒன்றே என்பது தெளிவாக தெரிகிறது. அக்கம் பக்கம் கேட்டு பார்த்தால் இந்தக் கோயிலில் இப்போது ஒரு சிலை கூட இல்லை. இந்தக் கோயில் பற்றி வேறு எந்த நூலிலும் தகவல்கள் இல்லை. இந்த நூலிலும் வேறு எந்த சிலை படமும் இல்லை.

இவற்றைக் கொண்டு அதிகாரிகள் மேலே துப்பு துலக்கினால் பல உண்மைகள் வெளி வரும்!! இந்த திருட்டு உறுதி செய்யப்பட்டால் இந்த சிலை திருட்டு கும்பல் 2000 ஆண்டுக்கு முன்னரே இந்த செயல்களை செய்தார்கள் என்பதும், இன்னும் பல கோயில் சிலைகளை திருடி விற்ற செயல்கள் அம்பலம் ஆகும்.

பெரிய, முக்கியமான பார்வதி செப்புச் சிலை, தென்னிந்திய சோழர் காலம், பதினோராம் நூற்றாண்டு

இப்படித்தான் அந்த பிரபலாமான ஏல நிறுவனம் ஏலம் விடும் சிலைக்கு தலைப்பு கொடுக்கிறது. விலை பட்டியல் இந்த சிலைக்கு ஐந்து கோடி முதல் ஏழு கோடி என்று விலை நிர்ணயம் செய்து ஏலத்தில் ஆறு கோடிக்கு விற்கப்பட்டுள்ளது.

விற்பதற்கு ஏதுவாக ஒரு காணொளியும் உள்ளது.

பொதுவாக இது போன்ற பெரிய அளவில் இருக்கும் சோழர் சிலைகளின் காலம் பதினோராம் நூற்றாண்டு – அதாவது செம்பியன் மாதேவி காலத்திற்கு பின் ராஜராஜர் மற்றும் ராஜேந்திர சோழர் காலம்.

இந்த சிலை எப்படி ஏலத்திற்கு வந்தது என்று சரியான விரிவான தகவல்கள் இல்லை.

Provenance
Collection of Ariane Dandois, London, acquired in Geneva, 16 March 1977

Literature

C. Vogel, “Global Treasure Trove,” New York Times Magazine, 1 March 1987, pp. 62-66

இந்த குறிப்பைத் தேடி பார்த்தால் இந்த சிலை பற்றி ஒன்றுமே இல்லை.

இதன் படி இந்த சிலையை முன்னர் வைத்திருந்த பெண்மணி ஒரு பெரிய அமெரிக்க லக்ஷாதிபதியின் ” ” என்று தெரிகிறது.

அப்படி இருக்க இந்த சிலை பற்றி தேடியபோது 1944 ஆண்டு வெளிவந்த இந்த குறிப்பு கிடைத்தது.

Gauri
A Southern Bronze
By K. B. IYER

One of such pieces is Gauri from the Kailasanath temple, Conjeeveram, now in the collection of Ramgopal, the well-known dancer.

Both tradition and stylistic features distinguish it as an early Chola work of probably the 10th century

Gauri is the Gracious Mother of the Universe, the Better-half of Siva, half-female half-male (Ardha-nariswara). In love and in devotion unexcelled even among the gods, She is the supreme arche-type of conjugal felicity. When love’s darts bruise young maidens’ hearts, their secret prayers are turned to her. It is she who protects them from every shoal and storm on the unchartered sea of married life. Just as Siva as Nata-raja symbolises the cosmic law of rhythm, Parvati in her aspect as Gauri symbolises the universal and eternal female instinct of yearning devotion, aspiration and concern for the male. Isn’t this figure instinct with that poignant feeling which makes the contemplation of beauty a haunting delight?

மேலோட்டமாகவே இரு சிலைகளும் ஒன்று போல இருக்கின்றன. இன்னும் கூர்ந்து பார்ப்போம்.

குறிப்பில் இருக்கும் அளவுகள் ஒத்து போகவில்லை என்றாலும்…

1944 குறிப்பு கொடுக்கும் அளவு ”Exclusive of the pedestal which is 9 inches, the figure is 26 inches in height” ஆனால் ஏல கடையில் இவ்வாறு உள்ளது ”33 1/8 in. (84.2 cm.) high ” – ஆனால் சிலையை ஒப்பிட்டு பார்க்கும் பொது இரண்டும் ஒன்றே என்று தெளிவாக தெரிகிறது.

இங்கே நாம் மனதில் கொள்ள வேண்டியது – காஞ்சி கைலாசநாதர் கோவிலுக்கு உடையார் ராஜ ராஜ சோழர் வந்து “பெரிய திருக்கற்றளியாகிய” என்று பிரமிக்கும் குறிப்பு கல்வெட்டுகளில் இருக்கிறது, மேலும் அவர் இதனை கொண்டே தானும் ஒரு பெரிய கற்றளியை நிறுவ வேண்டும் என்ற எண்ணம் கொண்டார் என்று பலரும் கருதுகின்றனர். ஒரு வேளை இந்தத் திருமேனி உடையவர் கொடுத்த கொடையோ? கல்வெட்டு அறிஞர்கள் தேடிப் பார்த்தால் குறிப்பு கிடைக்கலாம் !!

இப்போது தெளிவாக இருப்பவை – இது காஞ்சி கைலாசநாதர் கோயில் சிலை – எப்படியோ புகழ் பெற்ற நடன கலைஞர் ராம் கோபால் இடத்தில 1944 வரை இருந்தது.

இவர் 2003 ஆம் ஆண்டு ஐரோப்பாவில் UKவில் காலம் ஆனார்.

இந்த சிலை எப்படி இந்தியாவில் இருந்து சென்றது – எப்போது சென்றது. 1977 ஆம் ஆண்டு இதனை ஜெனீவாவில் யாரிடம் இருந்து வாங்கப்பட்டது ? இந்த 1944 குறிப்பு .இணையத்தில் சிறு தேடலில் கிடைக்கிறது. பொதுவாக இவ்வளவு விலைக்கு விற்கப்படும் பொருட்கள் பற்றி தீவிர விசாரணை எடுக்கவேண்டும். அப்படி எடுத்தால் இந்த குறிப்பு கண்டிப்பாக கிடைத்திருக்கும். அதை மறைத்து விட்டு எதற்காக ” A large and important bronze figure of Parvati” என்று சொல்லி விற்கவேண்டும்?

இந்த சிலை திருட்டு பற்றி முதல் முதலில் தகவல் வெளியாகி பல காலம் ஆகி விட்டது. நண்பர்கள் பலர் உதவிகளுடன் பல துப்புகள் வெளி வந்துள்ளன. இதுவரை நமது அதிகாரிகள் சிலைகளை மீட்டு வர என்ன முயற்சிகள் எடுத்துள்ளனர் என்று தெரியவில்லை, எனினும் இன்னும் துரிதமாக ( இப்போதாவது) செயல்படலாமே என்ற ஆதங்கம் வருகிறது. எனினும் நம் பணி தொடர்கிறது. இன்று ஆஸ்திரேலியாவில் சிக்கி இருக்கும் ஆடல் அரசனின் துணை – சிவகாமசுந்தரி அமெரிக்காவில் இருப்பதை நிரூபணம் செய்கிறோம்.

முதலில் அம்மை அப்பன் ஸ்ரிபுரதன் சிவல் கோயிலில் இருந்தபோது உள்ள படம்.

இதற்கு முன்னர் ஆஸ்திரேலியாவில் இருக்கும் நடராஜர் வடிவம் என்பதை தெளிவு பெற விளக்கினோம். இப்போது சிவகாமசுந்தரி பற்றி, நமது நேயர் ஒருவரின் உதவியுடன், புதிய ஆவணங்கள் கொண்டு நிரூபிக்கிறோம். ஆர்ட் ஆஃப் தி பாஸ்ட் பட்டியல் 2008 – முத்து முத்தான வரிகளை கொண்ட வர்ணனையுடன் அழகிய படங்கள் கொடுக்கப்பட்டுள்ளன. அந்த முகத்தை பார்த்தவுடனே எண்ணெய் கசிந்த குறிகள் தெரிகின்றன – திருமேனியாக பல நூறு ஆண்டுக்காலம் அபிஷேகத்தால் வழிபட்ட சிலை என்பதற்கு ஆதாரமாய் !

இரண்டு படங்களை ஒட்டி பார்த்தால் உடனே தெரிகிறது இரண்டும் ஒரே சிலை என்று.

நல்ல காலம் இதை யாரும் இன்னும் வாங்க வில்லை. அமெரிக்க போலிஸார் ஆர்ட் ஆஃப் தி பாஸ்ட் சம்பந்தப்பட்ட ஒரு சேமிப்பு கிடங்கை சோதனை இட்டு பறிமுதல் செய்த பொது சிக்கியது. அதை இந்த படத்தில் பார்க்கலாம்.

இந்த ஆதாரங்களை கொண்டு நமது காவல் துறை துரிதமாக செயல் பட்டு அழகான இந்தத் தெய்வச்சிலைகளை மீட்டு வரவேண்டும் – மேலே அமெரிக்காவில் இருக்கும் அம்மையிடமிருந்து பல ஆயிரம் மைல்களுக்கு அப்பால் கீழே ஆஸ்திரேலியாவில் இருக்கும் அப்பன், இருவரும் மீண்டும் வீடு திரும்பி இணைய வேண்டும்.

நமது கலைச்செல்வங்கள் திருடு போவதை தடுப்பதிலும் திருடு போனவற்றை மீட்டு வருவதிலும் நாம் எவ்வளவு அக்கறை காட்டுகின்றோம் என்பதை பல மாதங்களுக்கு முன்னர் இந்த பதிவில் பார்த்தோம்.

இந்த அவல நிலை தான் தற்போது கபூர் சிலை திருட்டு வழக்கிலும் நீடிக்கும் போல உள்ளது. முதலில் இந்த திருட்டை பற்றிய குறிப்புகள் முன்னுக்கு பின் முரணாக இருப்பதை காவல் து​றையின் இணைய பக்கத்தில்காண மனம் வருத்தப்படுகிறது.

”
Present Stage of the Case :

There were two temple burglaries in Sripuranthan Village and Suthamally Village during 2006 and 2008 which 28 antique idols of Hindu Deities of immeasurable value were stolen and subsequently smuggled out of India and illegally exported to USA”

குற்றப் பத்திரிகையில் உள்ள குறிப்புகள்

“It was during interrogation of those persons, it transpired that 18 Antique Metallic idols were stolen from Sri Varadaraja Perumal Temple at Suthamalli village by the three of them”…..” theft of eight idols in an another Sivan Temple at Sri Puranthan Village in Ariyalur District”

“…….18 Antique metallic idols from Sri Varadaraja Perumal Temple at Suthamalli village. A Non Bailable Warrant was issued to the petitioner and for recovery of stolen idols. Blue notices were sent for extradition of the petitioner to CBI, Interpol, New Delhi. It was further found that the same gang was also involved in the theft of eight Antique metallic idols stolen from Sri Pragdeeswarar Temple at Sri Purandan village in Ariyalur District. They were also exported to the U.S.”

அப்போது 18+8 = 26 சிலைகள் பற்றிய தரவே உள்ளது.

மேலும் இந்த வழக்கில் 18 மட்டுமே உள்ளது.

“On 13.04.2008, in a famous temple viz., M/s.Arulmigu Sundareswarar and Varadharaja Perumal Thirukovil, Suthamalli Village, Udayarpalayam Taluk, Ariyalur District, as many as 18 idols, made of panchalohas were stolen away.”

இப்படி இருக்க சிலைகள் எந்த வருடம் திருடு போயின என்று கூட தெளிவான குறிப்புகள் இல்லை. மேலும் திருடு போன சிலைகளின் பு​கைப்படங்கள் வெளியிட்ட காவல் துறை சற்று கவனம் எடுத்துக்கொண்டு சரியான பெயர்கள் கூட போட முயற்சி எடுக்கவில்லை இனைய தலத்தில் :நீங்களே பெயர்களை பாருங்கள் தீப லக்ஷ்மி என்று அம்மன் சிலைக்கும், சம்பந்தர் என்று மாணிக்கவாசகர் சிலைக்கும், கிருஷ்ணன் என்று சம்பந்தர் சிலைக்கும் பெயர் இட்டு பட்டியலை வெளியிட்டால் எப்படி? மேலும் அடுத்த பட்டியலில்தீபலட்சுமி என்று அஸ்திர தேவர் சிலை, முருகன் என்று சண்டிகேஸ்வரர் சிலையை தப்புத் தப்பாக பெயர் இட்டு உள்ளனர்.

தரவிறக்கம் செய்ய அவர்கள் தலத்தில் உள்ள Pdf ஏதோ கொஞ்சம் பரவாயில்லை. எனினும் இணைய தளத்தில் இருந்த சண்டிகேஸ்வரர் சிலை இங்கே காணவில்லை. அதற்கு பதில் சுப்பிரமணியர் சிலை வந்துள்ளது. எல்லாவற்றையும் சேர்த்து எண்ணிப் பார்த்தால்…

சுத்தமல்லி – 8 சிலைகள். , ஸ்ரிபுரந்தன் 8 சிலைகள் (நடராஜர் மற்றும் சிவகாமி இரண்டாக எண்ணிக்கை)
மேலும் சண்டிகேஸ்வரர் சிலை சுத்தமல்லி படங்களை ஒற்றி இருப்பதால் அதுவும் அந்த சிலைகளுடன் சேர்த்துக்கொண்டால் கூட 17 சிலைகளின் படங்கள் தான் உள்ளன.

முந்தைய பதிவுகளில் பல சிலைகளை பற்றிய குறிப்புகள் தந்துவிட்டோம். இன்று மேலும் இரண்டு சிலைகள் பச்சை நிறத்தில் கோடிட்டு இருப்பதை பாருங்கள். இவற்றை நாங்கள் முன்னரே அடையாளம் கண்டு இவை தற்போது இருக்கும் அயல் நாட்டு அருங்காட்சியகங்கள் குறிப்புகளுடன் அதிகாரிகளுக்கு அனுப்பி விட்டோம் இவற்றை அவர்கள் 2006 ஆண்டு வாங்கி உள்ளதாக தெரிய வருகிறது. இவற்றை கொண்டு அதிகாரிகள் என்ன செய்கிறார்கள் என்று பொறுத்திருந்து பார்ப்போம்.

idol_wing

இவை எவ்வளவு முக்கியம் என்பதை மேலும் வலியுறுத்த சென்ற வாரம்தி ஆஸ்திரேலியன் நாளிதழ் மேலும் 21 சிலைகள் கபூர் இடம் இருந்து வாங்கியவை என்று ஒரு பட்டியலை வெயிட்டு உள்ளது. அவற்றில் மிகவும் முக்கியாமான சோழர் காலத்து சிலை நர்த்தன சம்பந்தர்

இந்த சிலை பற்றி மேலும் குறிப்புகள் இல்லை. காவல் துறை வெளியிட்ட படங்களுடன் ஒப்பிட முடியவில்லை. (அவர்கள் தான் வேறொரு சம்பந்தர் சிலையை நர்த்தன கண்ணன் என்றும் மாணிக்கவாசகரை சம்பந்தர் என்றும் பெயர் மாற்றிவிட்டனரே!!)

இவ்வளவு பெரிய சிலை திருட்டு வழக்கில் இன்று வரை சரியான புகைப்படங்கள் கூட வெளி வரவில்லை என்பது கண்டிக்கத்தக்கது. பாண்டிச்சேரி IFP இடத்தில மேலும் படங்கள் உள்ளனவா? முழுவதுமாக முயற்சி செய்தால் ஒழிய இந்த சிலைகளை மீட்டு வர இயலாது.

கபூர் நடத்திய ஆர்ட் ஒப் தி பாஸ்ட் பட்டியல்களில் மேலும் பல செப்புத் திருமேனிகள் உள்ளன. படங்கள் இல்லாமல் இவற்றை மீட்க முடியாது.

நர்த்தன கிருஷ்ணன் / நவநீத கண்ணன் – பட்டியல் செப்டம்பர் 2008

இந்த கண்ணன் சிற்பம் ஆஸ்திரேலியா சம்பந்தர் சிலையுடன் ஒத்த காலம் என்று சொல்ல முடியும்.

முருகன் – சோழ சிலை – செப்டம்பர் 2008 பட்டியல்

மிகவும் முக்கியமான முருகன் சிலை இது (நாம் முன்னர் பார்த்த முரகன் சிலை பிற்கால சோழ காலம் – அதனை விட இது பழையது)

விநாயகர் – சோழர் சிலை – September 2009 பட்டியல்

சிலையில் பீடம் இல்லை. சுத்தமல்லி நடராஜர் மற்றும் உமை சிலைகளின் பீடங்களில் “சுத்தவல்லி” என்று செதுக்கப்பட்டுள்ளது. ஒரு வே​ளை எல்லா சுத்தமல்லி சிலைகளிலும் இதே போல எழுத்து இருந்தமையால் பீடத்தை விலக்கி உள்ளார்களோ என்ற ஐயம் எழுகிறது. அப்படி என்றால் இந்த சிலை சுத்தமல்லி கோவிலில் இருந்த திருடப்ப்பட்டதா? இங்கே நாம் ஒரு விஷயம் தெரிந்துக்கொள்ள வேண்டும் – பாண்டி IFP நிறுவனத்தின் பட்டியலில் சுத்தமல்லி கோயிலின் ஒரு விநாயகர் சிலை இந்தக் குறிப்பில் உள்ளது 02235. அவர்கள் இந்தப் படத்​தைக் கொடுத்தால் மேலும் ஒரு திருட்டை நிரூபனம் செய்யலாம்.

உமை – சோழ சிலை – செப்டம்பர் 2011 பட்டியல்

அருமையான சிலை. இந்த சிலை இன்னும் அமெரிக்காவில் தான் உள்ளது என்று நினைக்கிறோம் சமீபத்திய செய்திகளில் வந்த சிலை இதுவோ?

நடராஜர் – சோழ சிலை – மார்ச் 2011 பட்டியல்

மேலும் ஒரு அருமையான நடராஜர் சிலை. இது வரை காவல் துறை வெளியிட்ட படங்களில் இது இல்லை
இங்கே மீண்டும் பாண்டி IFP குறிப்பில் பதிவு எண் 11207 ஸ்ரிபுரந்தன் கோவிலில் இரண்டு நடராஜர் உள்ளன. படங்கள்?

மேலும் நமது குழுமத்தின் தோழி ஒருவர் ஆர்ட் ஒப் தி பாஸ்ட் ஆர்ட் ஒப் ஆசியா என்ற ஒரு பத்திரிகையில் வெவ்வேறு தருணங்களில் வெளியிட்ட விளம்பரங்களை வெட்டி அனுப்பி உள்ளார். இதை கொண்டு தான் ஒரு மிக முக்கிய குறிப்பு கிடைத்துள்ளது. அதனை ஏற்கனவே காவல் துறைக்கு அனுப்பிவிட்டோம். எனினும் மேலும் சில திருமேனிகள் அடையாளம் காண முடியவில்லை. அவற்றை இங்கே பதிவேற்றி மேலும் பலரின் உதவியை நாடுகின்றோம். இவற்றை பற்றி ஏதாவது தகவல் தெரிந்தால் கண்டிப்பாக எங்களுக்கு அனுப்புங்கள்.

சோமஸ்கந்தர்.


இது காவல் துறை பதிவில் உள்ள சுத்தமல்லி சோமஸ்கந்தர் இல்லை.

ஜைன மஹா யக்ஷர் – சோழர் சிலை

மிக முக்கிய சிலை

பார்வதி – சோழர் காலம்?

DSC_6720

மேலே உள்ள குறிப்புகளை கொண்டு நமது காவல் துறை தங்கள் பணியை முடுக்கி விடும் என்ற நம்பிக்கையுடன்…

சிலை திருட்டு பற்றிய தொடரும் இந்த ஆய்வின் அடுத்த பாகம் – அமெரிக்க அதிகாரிகள் கபூர் / ஆர்ட் ஆஃப் பாஸ்ட் கிடங்கை சோதனை இட்டு கொள்ளை அடிக்கப்பட்ட சிலைகளை கைப்பற்றி வெளியிட்ட ஒரு புகை படத்தை கொண்டு இன்று தொடர்கிறது…

முந்தைய பதிவுகளைப் போலவே இன்று இந்திய காவல் துறை வெளியிட்ட திருடப்பட்ட சிலைகளின் “புகை” படங்களை கொண்டே துவங்குவோம். முந்தைய பதிவுகளில் வெளியிட்ட படங்களை டிக் செய்யப்பட்டுள்ளன. இன்றைக்கு பார்க்கப் போகும் சிலைகளுக்கு சிகப்பு அம்புக்குறி

இந்த படங்களில் இல்லாத இன்னும் ஒரு சிலை பற்றி ஹிந்து நாளேட்டில் வந்த செய்தி – சண்டிகேஸ்வரர் சிலை.

இங்கே நாம் தெரிந்துக்கொள்ள வேண்டிய ஒன்று – நியூ இந்தியன் எக்ஸ்பிரஸ் பத்திரிகையில் வந்த இந்த செய்தியில் மொத்தம் 26 சிலைகள் திருடு போய் உள்ளன. அவற்றில் நமக்கு கிடைத்துள்ள படங்கள் 16 காவல் துறை வெளியிட்டில் மற்றும் ஹிந்து பேப்பர் 1 – மொத்தம் 17 தான். இன்னும் 9 சிலைகளை பற்றி எந்த தகவல்களும் இல்லை.

இப்போது நாம் பார்க்கப்போவது.

1. ஸ்ரிபுரந்தன் தனி அம்மன் .

அமெரிக்க புகைப் படத்தில்.

நமது அதிகாரிகள் வெளியிட்ட படம்.

அடுத்தடுத்து வைத்து பார்த்தால்..

2. சுத்தமல்லி அஸ்திர தேவர்
அமெரிக்க புகை படத்தில்.

நமது அதிகாரிகள் வெளியிட்ட படம்.( இந்த படம் தப்பாக வெளியிடப்பட்டுள்ளது – கண்ணாடி பிம்பம் போல – இடம் வலம் மாறி ..)

சரி செய்யப்பட்டது.

அடுத்தடுத்து வைத்து பார்த்தால்..

3. சுத்தமல்லி சிவகாமி அம்மன்

அமெரிக்க புகை படத்தில்.

நமது அதிகாரிகள் வெளியிட்ட படம்

அடுத்தடுத்து வைத்து பார்த்தால்..

4. சண்டிகேஸ்வரர்

அமெரிக்க புகை படத்தில்.

ஹிந்து பேப்பர் படம்

அடுத்தடுத்து வைத்து பார்த்தால்..

5. ஸ்ரிபுரந்தன் சிவகாமி அம்மன்

அமெரிக்க புகை படத்தில்.

நமது அதிகாரிகள் வெளியிட்ட படம்

அடுத்தடுத்து வைத்து பார்த்தால்..

நல்ல படங்களுடன் இவற்றை கொண்டு எளிதாக சிலைகளை மீட்டு விடலாமே …

இன்றைக்கு இன்னும் ஒரு சிலை திருட்டை அடையாளம் காட்ட போகிறோம். அதற்காக மீண்டும் காவல் துறை வெளியிட்ட அறிக்கையை காண்போம். பட்டியலில் முதல் படம்.

சிவகாமி அம்மன் / தனி அன்னம் என்று பெயர் கொண்ட படம். இதோ அருகில்.

இப்போது மீண்டும் ஆர்ட் ஆஃப் பாஸ்ட் பட்டியல் ஒன்றை பார்ப்போம். மார்ச் 2011 வெளிவந்த பட்டியல் – அதாவது சிலைகள் திருடு போய் ஆறு ஆண்டுகளுக்குப் பிறகு, காவல் துறை படங்களை வெளியிட்டு இரண்டு ஆண்டுகளுக்கு பின்னர் !!

பட்டியலில் 10 ஆம் எண் இருக்கும் சிலை – பெயர் தேவி உமா பரமேஸ்வரி

என்ன அருமையான புகைப்படங்கள். வித விதமான கோணங்களில் படம் எடுத்துப் பதிவு செய்துள்ளனர்.

இரு சிலைகளையும் ஒன்றாய் சேர்த்து பார்ப்போமா?

இன்னும் நுண்ணியமாக பார்க்கும்போது குட்டு வெளியாகிறது.

ஒவ்வொரு பாகமும் அச்சு அசல்..

கால்கள் மற்றும் அடிபாகம்.

என்ன கொடுமையடா இது – இப்படி பகிரங்கமாக கொள்ளை அடித்த சாமி சிலையை விற்கும் அவலம் !! நமது ஆலயங்கள் சிறு முயற்சி எடுத்து தங்கள் சிலைகளை படம் பிடித்து வைத்திருந்தால் இந்த திருட்டுகள் நடக்குமா. அந்நிய சந்தையில் தான் இவற்றை வாங்க யாரேனும் முன் வருவார்களா? அரசின் ஒரு சிறு முயற்சி, தொடரும் இந்த திருட்டை தடுக்க இயலும். படம் பிடித்துப் பட்டியல் இணையத்தில் பதிவேற்ற வேண்டியது தான் – இவர்கள் கொட்டம் அடங்கும் அல்லவா !!

தொடரும்.

சென்ற பதிவில் ஸ்ரிபுரந்தன் நடராஜ வடிவத்தை ஆராய்ந்து அதற்கும் ஆஸ்திரேலியாவில் இருக்கும் வடிவத்துக்கும் இடையே ஒற்றுமைகளை பட்டியலிட்டோம். அதில் பல கேள்விகள் எழுந்தன. அவற்றில் ஒன்று சுத்தமல்லி நடராஜர் சிலை பற்றி. இதோ காவல் துறை பட்டியலில் இருக்கும் அந்த சிலை பற்றியே இன்றைய பதிவு.

சுத்தமல்லி நடராஜர் – பழைய படம் – ஆலயத்தில் இருந்தபோது. .

இந்த சிலை மிகவும் முக்கியமான சிலை – இந்த சிலை கொடுத்த துப்பை வைத்துத் தான் இந்த சிலை திருட்டு கும்பல் பிடிபட்டனர். இதனை பற்றிய இந்து பதிவு இதோ.

நமது காவல் துறை திருடு போன சிலைகளின் படங்கள் கொண்ட பட்டியலை 2009 ஆம் ஆண்டு தனது இணைய தலத்தில் வெளியிட்டது. ( அதாவது திருடு போன நான்கு ஆண்டுகளுக்கு பின்னர் !). எனினும் வருத்தம் என்ன வென்றால் கூகுளார் உதவியுடன் ஒரு சிறு இனைய தேடலில் ஆர்ட் ஆஃப் பாஸ்ட் 2010 காடலாக் கிடைக்கிறது. அதில் ….

அதில் ஆறாவதாக வரும் சிலை..

என்ன அருமையான சிலை – அதுவும் படங்கள் பிரமாதம் !!

காவல் துறை சிலை திருட்டை பதிவு செய்து வழுக்கு பதிவு செய்து, படங்களை இணையத்தில் பதிவேற்றி – ஒரு ஆண்டுக்கு பின்னர் …இப்படி அதே சிலையை தங்கள் பட்டியலில் படங்கள் போட்டு பகிரங்கமாக விற்க முயற்சி??!

எப்படி இது அதே சிலை என்று சொல்ல முடியும் என்று கேட்கிறீர்களா ? மீண்டும் அதே தான் – ஒவ்வொரு சிலைக்கும் – லாஸ்ட் வாக்ஸ் ப்ரோஸஸ் தரும் தனித்தன்மை.

சென்ற பதிவில் ஸ்ரிபுரந்தன் சிலையை போலவே இங்கும் ஆடும் அரசனை சுற்றி இருக்கும் பிரபாவளியை கொண்டு இரு படங்களை ஒற்றுப் பார்த்தாலே போதும். இங்கே பிரபாவளி இன்னும் அழகு – இரட்டை வளையங்கள் கொண்டு உள்ளது – அவற்றை இணைக்கும் பாணி இரு வளையங்களுக்கும் இடையே துவாரங்களை ஏற்படுத்துகிறது. அவையே நமக்கு இன்று உதவுகின்றன.

அதே போல ப்ரபாவளியின் நடு பாகத்தில் ஒரு சிறு டிசைன் / சொட்டை போல இருக்கிறது.

மகேசன் ஆட விரிசடை வளைவுகளை பல அழகிய அணிகள் கொண்டு சிற்பி அலங்கரித்து இருப்பது அருமை. நம்மிடத்தே மட்டும் நல்ல படம் இருந்தால் !! இருந்தும் ஒப்பிட்டு பாருங்கள் – ஒற்றுமை தெரிகிறதா?

அதே போல ஆடல் அரசன் சுயன்று ஆட மேல் துண்டு விலகுகிறது , மேலும் சுயற்சியில் அது அதன்மீதே முறுக்கியவாறு அமைத்துள்ள அழகு அபாரம்.

இவற்றை கொண்டு இரண்டும் ஒரே சிலை என்று உறுதி பட சொல்லிவிடலாம்.

இன்னும் ஒரு அதாரம் உள்ளது. அதுதான் திருமேனியின் அடி பீடத்தில் இருக்கும் தமிழ் எழுத்துக்கள். பழந்தமிழில் சுதவல்லி ( மல்லி என்று இல்லை – வள்ளி என்று இருக்கிறது ). எனினும் பழைய படத்தில் இந்த எழுத்துக்கள் இல்லாதாதால் இதனை ஆதாரமாக கருத இயலாது. எனினும் இது நமக்கு வேறு ஒரு விதத்தில் உதவுகிறது. ஸ்ரிபுரந்தன் சிலைகள் 2006 இல் விற்று போயின…எனினும் சுத்தமல்லி சிலைகள் 2011 – 2012 வரை விற்க வில்லை – அப்போது வாங்க வந்தார் பலர் இதனை பார்த்திருக்க வேண்டும் – இந்த எழுத்துக்கள் இருப்பதால் நமக்கு எதற்கு வம்பு என்று விட்டு விட்டனரா?

இது தான் காரணம் என்பதற்கு அடுத்த பதிவில் காரணங்களை தருகிறேன். இந்த பதிவிலயே அடுத்த பதிவின் ஆரம்பம் இருக்கிறது…பட்டியலில் .” This is an extremely rare and important matched pair of the Shiva Nataraja and his consort, Uma Parameshvari. The divine couple have not only survived together as an original set, but also remain in complete states, with their flaming prabhas and lotus pedestals.” என்று உள்ளது.

எங்கு இருந்த உமா பரமேஸ்வரி இது …தேடல் தொடரும்.

என்னை போன்றவர்களுக்கு இணையம் ஒரு வரப்பிரசாதம் ! ஒரு பெரியவர் நாற்காலி ஆராய்ச்சியாளர் என்று பட்டம் கூட சூட்டினார் ! அப்படி ஒரு ஆராய்ச்சி தான் இது.

புகழ் பெற்ற ராஜ சிம்ஹ பல்லவரது கைலாசநாதர் சிதைந்த ஓவியங்களுக்கு உயிர் கொடுக்க எடுத்த முயற்சியின் பொது பல கடினமான இடங்களை சந்தித்தோம்.

குறிப்பாக மிகவும் சிதைந்த அடி பாகத்தில் இருந்த இரு உருவங்களை அடையாளம் கண்டுகொள்ள பல படங்களை ஆராய்ந்தோம்.

முடிந்தவரை இவை அந்நாளில் எப்படி இருந்திருக்கும் என்று கற்பனை செய்து அதன்படி படங்களை வடித்தோம். எனினும் இந்த இரு குள்ள கணங்கள் அங்கே இருப்பதே ஒரு ஆச்சரியமாக இருந்தது.

அந்த பெண் வடிவ குள்ள கணம் – உமையவளின் தோழியா ? இலக்கணத்தில் இவர்களை பற்றி ஏதாவது குறிப்பு உள்ளதா? இப்படி எல்லாம் அப்போது தோணவே இல்லை.

பல காலம் கழிந்து நண்பர் அரவிந்த் அவர்கள் தான் லால்குடி சென்ற பொது எடுத்த படங்களை சுட்டியை அனுப்பி வைத்தார்.

அங்கே உள்ள கதை சொல்லும் புடிப்புச் சிற்ப்பங்களை ஆராய்வதே எங்கள் நோக்கம் என்றாலும் அதில் இன்னொரு வடிவம் கவனத்தை ஈர்த்தது.
எதையோ நினைவூட்டியது.

இங்கேயும் அரியணையில் அம்மையப்பன் வடிவம் என்றாலும் முருகன் இல்லை. வலது புறம் அடியவர் ஒருவரும் – மேலே இருபுறமும் இரு முகங்கள் தெரிகின்றன. அவற்றில் நான்முகன், பெருமாள் வடிவங்கள் உள்ளனவா என்பது சரியாகத் தெரியவில்லை. நம் கவனத்தை ஈர்த்தப் பகுதி அரியணைக்கு அடியில் இருக்கும் இரு கணங்கள் தான்….

இந்த சிலையின் காலத்தை சரியாக கணிப்பது கடினம் என்றாலும் சுவாரசியம் என்னவெனில் பல்லவ ஓவியன் தீட்டிய அதே பாணியில் அந்த இரு குள்ள கணங்களும் இங்கே இருப்பது தான்!! இவர்கள் யாராக இருக்கக்கூடும் ?